სიახლეები
ქართული ლიტერატრული პროგრამა ფრანკფურტის წიგნის საერთაშორისო ბაზრობაზე
წარმოგიდგენთ ქართულ ლიტერატურულ პროგრამას ფრანკფურტის წიგნის საერთაშორისო ბაზრობაზე. შეგახსენებთ, რომ 19-23 ოქტომბერს მწერალთა სახლისა და წიგნის გამომცემელთა და გამავრცელებელთა ასოციაციის ორგანიზებით საქართველო წელსაც ტრადიციულად წარდგება ფრანკფურტის წიგნის ბაზრობაზე.
წლევანდელ ლიტერატურულ პროგრამაში 6 ქართველი ავტორი მიიღებს მონაწილეობას. საქართველოს ეროვნულ სტენდზე დაგეგმილია მწერლების შეხვედრები უცხოელ მკითხველთან, ახალი მთარგმნელობითი პროექტების დაანონსება, უახლესი გერმანულენოვანი გამოცემების პრეზენტაცია და ერთობლივი ღონისძიებები ფრანკფურტის წიგნის ბაზრობა 2022-ის საპატიო სტუმარი ქვეყნის ესპანეთის წარმომადგენლებთან, მწერლებთან და გამომცემლებთან ერთად.
ღონისძიება: ქართველ და უცხოელ გამომცემელთა შეხვედრა
თარიღი: 20 ოქტომბერი, ხუთშაბათი
დრო: 10:00 საათი
ადგილი: საქართველოს ეროვნული სტენდი, ჰოლი 4.0 B96
ღონისძიების ფორმატი: საქმიანი შეხვედრა
გამომცემელთა შეხვედრა საუკეთესო საშუალებაა გამომცემლობების, მწერლების, ლიტერატურული აგენტების, მთარგმნელებისა და ლიტერატურით დაინტერესებული ადამიანების დასაკავშირებლად. ღონისძიების მიზანია უცხოელი გამომცემლების დაინტერესება ქართული ლიტერატურით, რაც ხელს შეუწყობს ქართული მწერლობის სხვადასხვა ენაზე თარგმნასა და მის პოპულარიზაციას.
ღონისძიება: არაფერი ხდება მთარგმნელების გარეშე
თარიღი: 20 ოქტომბერი, ხუთშაბათი
დრო: 14:30
ადგილი: საერთაშორისო მთარგმნელობითი ცენტრი, ჰოლი 4.0, G101
მონაწილეები: ირინე ჭოღოშვილი, მთარგმნელობითი პროგრამის მენეჯერი, მწერალთა სახლი; Ainhoa Sánchez Mateo, Acción Cultural Española, AC/E, ლიტერატურისა და გამომცემლობის დეპარტამენტის ხელმძღვანელი; Hinrich Schmidt-Henkel, ნორვეგიულ და გერმანულ ენებზე მთარგმნელი
მოდერატორი: Tiia Strandén, FILI-ს ხელმძღვანელი
ღონისძიების ფორმატი: დისკუსია
ორგანიზატორი: FILI, ENLIT
ყოველწლიურად ფრანკფურტის წიგნის საერთაშორისო ბაზრობას ჰყავს საპატიო სტუმარი ქვეყანა, რაც ძალიან კარგი შესაძლებლობაა აღმოაჩინო ახალი ან უკეთ გაიცნო უკვე ნაცნობი ლიტერატურული სამყარო. რა არის საჭირო ეფექტური პრეზენტაციის შესაქმნელად? ერთი რამ ცხადია: გამოცდილი მთარგმნელების გარეშე ეს შეუძლებელია. ღონისძიების სადისკუსიო თემაა, როგორია საპატიო სტუმრის სტატუსის მქონე ქვეყნების გამოცდილება, რა ფორმით იყვნენ მთარგმნელები პროცესის აქტიური მონაწილეები და როგორ წარადგინეს თავიანთი ქვეყნის ლიტერატურა მსოფლიო საგამომცემლო ბაზარზე. ოთხი საპატიო სტუმარი ქვეყანა, ფინეთი (2014), საქართველო (2018), ნორვეგია (2019) და ესპანეთი (2022), გაგვიზიარებენ საუკეთესო პრაქტიკას, თუ როგორ უნდა ვიმუშაოთ წარმატებით მთარგმნელებთან და გამომცემლებთან.
ღონისძიება: გაიცანით ევროკავშირის ლიტერატურული პრიზის 2022 წლის გამარჯვებული მწერლები
თარიღი: 20 ოქტომბერი, ხუთშაბათი
დრო: 17:00
ადგილი: ფრანკფურტის პავილიონი (აგორა)
მონაწილეები: ივა ფეზუაშვილი, ჯაკობო ბერგარეჩე, ევგენია კუზნეცოვა, თაიგ მაკ დრონაგაინი, სლადანა ნინა პერკოვიჩი, გეა შოტერსი
ღონისძიების ფორმატი: საჯარო კითხვა
ორგანიზატორი: EUPL
EUPL 2022 წლის ჯილდოს მფლობელი ივა ფეზუაშვილისა და ამავე ჯილდოს 5 სპეციალური ნომინაციის მფლობელების ნაწარმოებების საჯარო კითხვა. ევროკავშირის ლიტერატურის პრიზი 2009 წლიდან ხელს უწყობს ახალი მწერლების აღმოჩენასა და პოპულარიზაციას ევროპაში. 2022 წლიდან ლიტერატურისა და თარგმანის ექსპერტებისგან შემდგარი საერთაშორისო ჟიური ირჩევს ერთ გამარჯვებულს და ხუთ სპეციალურ ნომინაციის მფლობელს. ამ ღონისძიების ფარგლებში გაიცნობთ EUPL 2022-ის მთავარი ჯილდოს მფლობელის, ივა ფეზუაშვილის (საქართველო) რომანებს და 5 სპეციალური ნომინაციის მფლობელებს: ჯაკობო ბერგარეჩე (ესპანეთი), თაიგ მაკ დრონაგაინი (ირლანდია), გეა შოტერსი (ბელგია), ევგენია კუზნეცოვა (უკრაინა) და სლადანა ნინა პერკოვიჩი (ბოსნია და ჰერცეგოვინა).
EUPL ფინანსდება ევროკავშირის პროგრამის შემოქმედებითი ევროპის ფარგლებში. ევროკავშირის პრიზს ლიტერატურაში ორგანიზებას უწევს ევროპის გამომცემელთა ფედერაცია (FEP) და ევროპელი და საერთაშორისო წიგნის გამავრცელებელთა ფედერაცია (EIBF).
ღონისძიება: ფიროსმანის ძიებაში
თარიღი: 21 ოქტომბერი, პარასკევი
დრო: 15:00
ადგილი: საქართველოს ეროვნული სტენდი, ჰოლი 4.0 B96
მონაწილე: შორენა ლებანიძე
მოდერატორი: მარიო ფშერა
გამომცემლობა: Dagyeli Verlag
გამოცემის წელი: 2021
ღონისძიების ფორმატი: პრეზენტაცია / დისკუსია
შორენა ლებანიძის წიგნი „ეს მე ვარ – ფიროსმანი“ მხატვრულ-დოკუმენტური პროზის კარგი მაგალითია. რომანი გვთავაზობს დიდი ქართველი მხატვრის, ნიკო ფიროსმანის ცხოვრების უნიკალურ ლიტერატურულ ვერსიას. თუმცა, ავტორის წარმოსახვა ეფუძნება ხელოვნებათმცოდნეებისაგან მოპოვებულ დოკუმენტურ მასალებს, მონოგრაფიულ და საარქივო წყაროებს და ფიროსმანის თანამედროვეთა მოგონებებში წაკითხულ რეალურ ინფორმაციას. რომანის მთავარი მიზანი დიდებული და საიდუმლოებით მოცული ხელოვანის მარადიული ძიების პროცესის აღწერაა.
ღონისძიება: გამომცემელთა პროფესიული შეხვედრა
თარიღი: 21 ოქტომბერი, ხუთშაბათი
დრო: 10:00 საათი
ადგილი: საქართველოს ეროვნული სტენდი, ჰოლი 4.0 B96
ღონისძიების ტიპი: საქმიანი შეხვედრა
ქართველი გამომცემლების შეხვედრა გამომცემელთა სპეციალური სტიპენდიის პროგრამის მონაწილეებთან უკრაინიდან და მეზობელი ქვეყნებიდან.
ღონისძიება: სიტყვებისა და სიმართლის შესახებ
თარიღი: 21 ოქტომბერი, პარასკევი
დრო: 16:00
ადგილი: საქართველოს ეროვნული სტენდი, ჰოლი 4.0 B96
მონაწილე: ნატო ინგოროყვა
მოდერატორი: დირკ ჰიულშტრუნკი
გამომცემლობა: Corvinus Presse
გამოცემის წელი: 2022
ღონისძიების ტიპი: წიგნის წარდგენა / დისკუსია
ნატო ინგოროყვა - პოეტი, მთარგმნელი. გამოქვეყნებული აქვს ოთხი პოეტური კრებული: „და სახლობს ჩემში პოეტი ევა“ (2003), „ნედლები და ხმელები“ (2011), „წონასწორობა“ (2013) და „PORCELLANAE პოეზია“ (2015). ქართულად თარგმნა და გამოსცა ავსტრიელი პოეტის, რაინერ მარია რილკეს პოეზია. ნატო ინგოროყვას პოეზია თარგმნილია გერმანულ, ინგლისურ, ლატვიურ, ბელორუსულ, უკრაინულ და სხვა მრავალ ენაზე. Corvinus Presse-მ გერმანიაში გამოსცა მისი ლექსების ორი კრებული. ღონისძიების მოდერატორ დირკ ჰიულშტრუნკთან ერთად ნატო ინგოროყვა მკითხველს წარუდგენს ახალ გერმანულენოვან პოეტურ კრებულს „სიტყვებისა და სიმართლის შესახებ“.
ღონისძიება: ორშაბათი
თარიღი: 21 ოქტომბერი, პარასკევი
დრო: 16:30
ადგილი: საქართველოს ეროვნული სტენდი, ჰოლი 4.0 B96
მონაწილე: ირმა შიოლაშვილი
მოდერატორი: ბარბარა ცაიცინგერი
გამომცემლობა: Pop Verlag
გამოცემის წელი: 2022
ღონისძიების ფორმატი: წიგნის წარდგენა / დისკუსია
ამ პოეტურ კრებულში ირმა შიოლაშვილი მოგვითხრობს თავისი ფერადი ცხოვრების გზაზე, შინაგან და გარეგან თავისუფლებაზე, ქალის ბრძოლებზე და შეკვეცილ ფრთებზე. ის პოეტური პერსპექტივიდან საუბრობს საზოგადოებებზე, საუბრობს საკუთარ იდენტობაზე, რომელსაც ერთდროულად ქართული და დასავლური კულტურა ასაზრდოებს. ირმა შიოლაშვილი თავისი შემოქმედებით ეხება ცხოვრების ყველაზე მრავალფეროვან მხარეებს, რომელიც არასოდეს აძლევს საშუალებას დაივიწყოს საკუთარი წარმომავლობა.
ღონისძიება: დათესე ხორბალი, უკრაინა
თარიღი: 22 ოქტომბერი, შაბათი
დრო: 12:00
ადგილი: საქართველოს ეროვნული სტენდი, ჰოლი 4.0 B96
მონაწილეები: ბელა ჩეკურიშვილი, ნატო ინგოროყვა
მოდერატორი: იორგ ბექენი
გამომცემლობა: Klak Verlag
გამოცემის წელი: 2022
ღონისძიების ფორმატი: წიგნის წარდგენა / დისკუსია
„დათესე ხორბალი, უკრაინა“ - წერს პოეტი ეკა ქევანიშვილი ლექსში, რომელიც არის მოწოდება უკრაინელი ხალხის თავისუფლებისთვის. ეს ლექსი ქართველი პოეტის დაწერილია, და ეს ხმა არის ყველა ქართველი ავტორის ხმა, რომლებმაც საკუთარ ქვეყანაში გამოიარეს ომი და დევნა რუსების მიერ. ამ ანთოლოგიაში თავმოყრილია ცნობილი ქართველი და უკრაინელი პოეტების ლექსები. პოეტები ამ ლექსებით ეხმაურებიან უკრაინაში მიმდინარე ომს და მეგობარ უკრაინელ პოეტებს სოლიდარობას და მხარდაჭერას უცხადებენ.
ღონისძიება: 38,44
თარიღი: 22 ოქტომბერი, შაბათი
დრო: 15:00
ადგილი: საქართველოს ეროვნული სტენდი, ჰოლი 4.0 B96
მონაწილე: ნესტან ნენე კვინიკაძე
მოდერატორი: ერიკა ჰორნბოგნერი
გამომცემლობა: Wieser Verlag
გამოცემის წელი: 2022
ღონისძიების ფორმატი: წიგნის წარდგენა / დისკუსია
1990-იანი წლების მიწურულის და 2000-იანი წლების დასაწყისის თბილისი. ლექსო კინომცოდნეობას სწავლობს, მაია – სტომატოლოგიას; ლექსო „დისიდენტობანას“ თამაშობს, მაია – მკვდრების ისტორიებს თხზავს. მაია ლექსოს თამაშში აღმოჩნდება. ერთმანეთის პარალელურად ვითარდება ორი ხაზი – რეალური, სადაც სტუდენტები სწავლობენ, თამბაქოს გამონაბოლქვში ფილმებს უყურებენ, ერთმანეთის სხეულებს შეიცნობენ, სექსუალობას იკვლევენ, და მეორე – „დისიდენტობანას“ თამაში: პროკლამაციების გავრცელების გეგმა, ადევნებები, ჩხრეკა, დაჭერები... ნესტან ნენე კვინიკაძის „38, 44“ ქვეყნის უახლესი ისტორიის არაორდინარული შეჯამებაა, დრამატიზმით, იუმორით, ტრავმებითა და გაუხარჯავი ენერგიით დამუხტული წიგნი, სადაც ცოცხლებიც და მკვდრებიც საკუთარ თავს ეძებენ.
ღონისძიება: ფრანკფურტის საპატიო სტუმარი ქვეყნები ხვდებიან ერთმანეთს – საქართველო და ესპანეთი
თარიღი: 22 ოქტომბერი, შაბათი
დრო: 16:00
ადგილი: საქართველოს ეროვნული სტენდი, ჰოლი 4.0 B96
მონაწილეები: ივა ფეზუაშვილი, ჯაკობო ბერგარეჩე
მოდერატორი: ბარბარა ლენერერი
ღონისძიების ფორმატი: დისკუსია
ეს ღონისძიება ერთგვარი ტრადიციის გაგრძელებაა, როდესაც ფრანკფურტის წიგნის ბაზრობის საპატიო სტუმრები იკრიბებიან და საუბრობენ ლიტერატურაზე. წელს ქართველი და ესპანელი ავტორი, გერმანელ მოდერატორთან ბარბარა ლენერერთან ერთად ისაუბრებენ დიდ და პატარა ენებზე წერის გამოწვევებზე. აღსანიშნავია, რომ ივა ფეზუაშვილი 2022 წლის ევროკავშირის ლიტერატურული პრემიის ლაურეატია, ხოლო ესპანელი მწერალი ჯაკობო ბერგარეჩე წელს ამავე პრიზის სპეციალური ჯილდოს მფლობელი გახდა.
